General Santos City—Patay ang usa ka lalaki human nga nabangga ang ulo niini sa mga bato dihang kini mi-dive sa usa ka beach resort nga nahimutang sa Barangay Tinoto, Maasim, Sarangani Province niadtong nakalabayng adlaw.
Biktima giilang si Reynaldo Trentado, 53, nga taga Surallah South, Cotabato.
Nasayran nga nangaligo ang biktima uban sa iyang mga higala ug kabanay sa Susan beach resort , niambak matud pa kini sa tubig apan nitugpa kini sa batuhan nga bahin mao nga naigo ang iyang ulo sa bato nga hinungdan sa iyang kamatayon.
Gidala pa kini sa Maasim Municipal Hospital apan nakabsan gihapon kini sa iyang kinabuhi.
Sa karon gipahiluna na sa iyang pamilya ang patayng lawas sa biktima didto sa Surallah, South Cotabato.
Facebook Comments
