General Santos City—Gireklamo sa usa ka dalaga nga itago lang sa pangalang Melrose ang iyang silingan nga giilang si Alias keneth, legal age, residenti sa Purok 13-B, Barangay Fatima, Gensan human kining misulod sa iyang lawak alas 11:00 ang takna sa gabie.
Basi sa sumbong sa biktima sa kapulisan nasuta nga nakamata nalang ang nasampit gumikan sa kasikas sa iyang kilid.
Nakurat nalang kini nga naa na nag apong kaniya ang suspek samtang siya naghigda.
Nisyagit ang biktima maong nabulabog ang pagsulod sa nahisgutan sa lawak niini.
Rason sa suspek sa pagsulod sa lawak sa biktima gumikan matud pa dunay naggukod kaniya maong didto kini nitago. Dili usab kombinsido niini ang dalaga maong iyang gireklamo sa kapulisan.
Sa kasamtangan giturn-over na sa Police Station 7 ang kaso sa Lupon taga pamayapa sa Barangay Fatima aron tua mag-areglo ang duruha.
