[image: IFM 919 Logo (1).jpg]
PADAYON PA KARUN NGA GINAPANGITA SA KAPULISAN ANG DRIVER NGA RESPONSIBLE SA PAG HIT AND RUN SA USA KA 59 ANYOS NAG RESULTA SA IYAHANG KAMATAYON.
SUMALA SA REPORT NGA BANDANG ALAS 8 ANG TAKNA SA KAGABIE NAKADAWAT UG REPORT ANG TRAFFIC MANAGEMENT UNIT NGA ADUNAY NAHITABONG HIT AND RUN SA MAY NATIONAL HIGHWAY SA PRK. KABON BRGY BAWING NING DAKBAYAN. GIILA ANG BIKTIMA NGA SI SUSANO A. MAN-ON 59 ANYOS UG RESIDENTE SA NAHISGUTANG LUGAR NGA GIMANEHUAN NIINI ANG IYAHANG MOTOR NGA KAWASAKI BAJAJ 100.
SUMALA SA IMBISTIGASYON NGA GINASUBAY SA BIKTIMA ANG MAONG DALAN APAN PAGLIKO NIINI KALIT KINING GI BANGGAAN SA UNIDENTIFIED NA SAKYANAN NGA ADUNAY PLATE NUMBER BBQ-6660 NGA PASPAS NGA NISIBAT HUMAN SA MAONG PANGHITABO.
NAKAANGKON UG GRABING HEAD INJURY ANG BIKTIMA NGA GILAYON NGA GIDALA SA DR. JORGE P. ROYECA HOSPITAL APAN GIDEKLARA NA KINING DEAD ON ARRIVAL.
SA KASAMTANGAN NAGPADAYON PA ANG IMBISTIGASYON SA TRAFFIC MANAGEMENT UNIT ARON MAILHAN ANG DRIVER SA RESPONSABLE SA MOANG PANGHITABO.
