General Santos City—-patay ang usa ka lalaki human kining nabanggaan ug sakyanan sa may National Highway nga sakop sa Purok Candelaria, Barangay Poblacion, Tupi, South Cotabato niadtong nakalabayng gabie.
Giila ang biktima nga si Jomie Berlizo Claha, 30, residenti sa Purok 10-B, Barangay Poblacion.
Nasayran nga nabanggaan sa usa ka Toyota Innova nga gimanihuan sa usa ka Lou Ryan Alemania Palma, 39, nga taga Purok 9-A, Poblacion, Tupi ang nasangpit nga biktima human nga wala niini nabantayan ang nasampit nga mitabok sa dalan.
Tungod sa kusog nga impact, grabeng samad ang naangkon niini nga hinungdan sa iyang kamatayon. Gikaingong gikan sa syudad sa Gensan ang sakyanan ug padulong unta sa Koronadal City.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
