Sagay City, Negros Occidental – Nadakpan sa ginpatuman nga checkpoint kaina sang kaagahon sa ciudad sang Sagay ang isa ka lalaki matapos ini tuyo nga magpalagyo gamit ang motorsiklo.
Nakilala ang lalaki nga si Ricky Bacay Garcia alyas ‘Dondon’, 32-anyos kag residente sang Prk. Katilingban, Brgy. Dian-ay, Escalante City.
Suno sa report sang Sagay City PNP, nagpatigayon ang mga awtoridad sang isa ka checkpoint sa pagpanguna ni Police C/Insp. Robert Mansueto, sang nakit-an nila ang madasig nga pagpadalagan sang suspek sang iya nga motor.
Ginlagas sang mga ini ang driver kag sang pagrikisa sa iya, nakit-an sa iya posesyon ang tatlo ka heat sealed transparent plastic sachet sang ginapatihan shabu, P19,420 nga ginapatihan cash proceeds, isa ka cellphone, isa ka itom nga wallet kag ang ginamaneho sini nga Kawasaki Barako 175.
Magapangatubang ang suspek sang kaso nga pagbayolar sang R.A. 9165 kag karon detained sa lock-up cell sang Sagay City PNP. *rcsg*
/webphoto
————————
Like our official Facebook page: www.facebook.com/ifmbacolod943
