Sa lungsod sa San Francisco sa isla sa Camotes nga sakop pa sa probinsya sa Sugbo naay usa ka lalaki nga nagpropose sa iyang uyab atol sa iyang 30th birthday karong adlawa. Way makapugong sa nag-uros uros niyang gugma ngadto sa iyang uyab.
Daghan ang misaksi sa sorpresa sa maong lalaki ngadto sa iyang uyab nga karon fiancee na niya. Naay colorful nga set up nga gibuhat sud usa ka basketball court sa ilang lugar. Pwerteng hilak sa maong babaye sa dihang miluhod na iyang husband-to-be sa atubangan sa daghang bisita nga walay ideya sa maong proposal. Naa pay binatan-on kaayo nga style sa pagpropose gamit ang mga plackards nga mo-spell out og “Will You Marry Me?”. Naa po’y pa-balloons ug ang duha gituyokan og mga romantic nga kandila.
Human og dangoyngoy sa babaye tungod sa kalipay ug pagkasorpresa nagyango-yango dayon kini. Nga buot pasabot nag-YES ni isip tubag sa pangutana sa iyang pamanhunon. Congratulations sa birthday boy nga si Halem Lucernas ug sa iyang fiancee nga si Haziel Grace.
Photo credits sa hegala niini nga si Junmar Wenceslao.
