General Santos City–Nadala sa balay tambalanan ang usa ka lalaki human kining gidunngab sa wala mailhing suspetsado.
Ang biktima naila sa pangalang Jopy Digan, 21 anyos, ulitawo usa ka laborer residente sa Davao Occidental og temporaryong nagpuyo sa Zone 7, Brgy.Bula ning syudad.
Nasayran nga pasado alas 2:00 sa sayong kabuntagon samtang galakaw kining biktima uban ang kaubn niini padulong sa gipoy an duna matud pay usa ka lalaki nga kalit miduool kanila deretso bunal ug dunggab sa biktima sa wala masayri nga rason.
Nakaangkon og samad dinunggaban sa dughan ang biktima gamit ang wala pa matinong hait nga hinagiban nga maoy gigamit sa suspek.
Samtang gilayong misibat ang suspek sa wala matinong direksyon. Sa karun nagpabilin ang biktima sa usa ka pribadong ospital sa Gensan samtang nagapaalim sa samad nga iyang naangkon. (Reynald Timario)
