Davao City – Padayon karong gisuta sa kapulisan ang motibo sa pagpusil-patay sa usa ka lalaki sa Purok Kahilungguhan, Barangay La Union, San Isidro, Davao Oriental alas 7 sa gabii niadtong Biyernes, Enero 5, 2024.
Sa interview sa DXDC RMN Davao kang Police Major Romie Baintin, Acting Chief of Police sa San Isidro Municipal Police Station (MPS), iyang giila ang biktima nga si Gerald Henry Sagucom, 32 anyos, residente sa nahisgutang lugar.
Sa interview sa DXDC RMN Davao kang Police Major Romie Baintin, Acting Chief of Police sa San Isidro Municipal Police Station (MPS), iyang giila ang biktima nga si Gerald Henry Sagucom, 32 anyos, residente sa nahisgutang lugar.
Saysay sa pulis nga igo lang nagbaktas ang biktima sa dihang gipusil kini sa riding in tandem gamit ang gituohang .45 nga pistola dayon misibat padulong sa Governor Generoso.
“Naglakaw ra man ni (ang biktima) sa national highway, siguro 100 meters sa iyang balay. Didto naay nagsugat sa iyaha. Gipusil dayon katulo ka beses,” saysay sa pulis.
Narekober sa crime scene ang tulo ka mga bala samtang nagbaton og usa ka gunshot wound ang biktima sa iyang wala nga tiyan nga maoy hinungdan nga kini gideklarang dead on arrival.
Padayon karong gipanubayan sa San Isidro MPS kung aduna bay nakabangi o hulga sa kinabuhi ang biktima ayha nahitabo ang krimen.
RadyoMaN Kirby Manzon
Facebook Comments
