Naka dawat ug taho ang kapulisan sa Dapitan city nga matod pa adunay nagdala-dala ug armas de fuego particular mente sa may brgy. Banonong, dapitan city.
Dali kini nga ge respondehan sa mga kapulisan sa nahisgutan nga dakbayan sa pagpangulo ni SPO4 Jose Renault Tan.
Pag abot nila sa maong lugar giduol sila sa usa ka concern citizen ug mitudlo sa suspect nga nagsakay sa motorsiklo kolor itom padulong sa brgy. Polo, Dapitan city.
Hinungdan nga gisundan kini sa kapulisan ug didto malapuson nilang nasikop atbang sa simbahan sa Polo. Nakuha sa iyang posisyon ang usa ka bag kolor itom adunay sulod nga kalibre 45 adunay serial no. 722-1318 ug duha ka magazine nga adunay mga buhing bala.
Naila ang suspetsado nga si Venerando Bedon Tecson, 63, balo, taga Polo, Dapitan. Ug wala kini legal nga mga dokumento nga napakita ngadto sa kapulisan.
Ang suspetsado nga naaresto ang gibalhog na karon sa Dapitan CPS alang tukmang disposasyon. – Mark A. Bacroya
