Davao City – Gi-dumtan sa usa ka lalaki nga si Glendon Abindula Abillida ang tulo ka mga motorsiklo ug gipangtumba human nga nasayran nga wala na ang pitaka sa iyang bulsa.
Sa record sa Talomo PNP, mireklamo ang tulo ka mga tag-iya sa mga motorsiklo human ilang nasayran nga nangatanggal na ang pipila ka mga piyesa sa ilang motorsiklo nga pulos nakaparada sa may Riveside Maa, Davao City.
Sa pagpanubay sa CCTV camera footage, nasayran nga adunay duha ka mga tawo ag naglalis duol sa ilang mga motor diin mao kini ang respondent ug kauban niini sa trabaho nga si Hospicio Penaso Tempo, usa ka panday.
Gipangdala gilayon sa Talomo PNP ang duha ug didto nasayran nga pulos lango kini sa bino.
Sumala pa gikan nag-inum ang duha ug kalit nagwild ang respondent human nasayran nga wala na ang iyang pitaka ug gipasanginlan iyang kauban nga maoy nagkuha.
Wala gi-angkon sa iyang kauban ang maong binuhatan rason nga naghuramentado kini ug gidamay ang tulo ka mga motorsiklo.
Gani, buot mupasaka og kasong malicious mischief ang tulo ka mga tag-iya sa mga motor batok kang Abillida.
RadyoMaN Paul Canono
