Napasakaan na ug kaso ang usa ka dinakpan human kini nagmaoy tungod sa gahum sa ilimnong makahubog, didto kini nahitabo sa Brgy. Pob. Lungsod sa Gutalac kini ang gibutyag sa hepe sa maong lungsod nga si PC/Inps. Khisna Asaali.
Ang mihimo sa maong salaod mao si James Pangasian Tan, 49 anyos, nagpuyo kini sa nahisgutan nga lugar matod pa armado kini sa sundang ug grabe ang kaisog niini dala sa pagpanghagit nga si kinsa ang makig away kaniya lakip nga iyang gisamok ang iyang pamilya.
Human nga na report kini sa pulis dali usab kini nga gi respondehan sa mga taga Gutalac PNP ug sa ilang paghidangat midagan si James ngadto sa ngitngit nga lawak partikular na sa sagboton nga lugar tungod kay nakamatikod kini sa presensya sa kapulisan.
Gisundan kini sa mga pulis hangtod nga ila kining nasakpan ug ge aresto sa nahisgutan nga dapit. gitoohan nga lango kini sa ilimnong makahubog base na usab sa baho sa ilimnon sa iyang ginhawa.
Nakuha usab kang James Pangasian ang usa ka transparent plastic nga adunay sulod nga white crystalline substance nga gituohang shabu ug mga drug paraphernalia human kini ge kapkapan.
Sa pagkakaron himas rehas na ang maong dinakpan human kini nag atubang sa kasong gipasaka batok kaniya.
