Sindangan- Gidala sa kapulisan sa sindangan ang usa ka lalaki human kini nagpakita ug dili maayong gawi didto terminal sa Sindangan niadtong adlawng martes mga 4:40PM.
Nadala sa duha ka pulis si Wilfredo Tomes y Velasco, 41 anyos, menyo, residente dinhi sa brgy. Sta. Isabel, ning atong dakbayan sa Dipolog, Lakip usab nga nakuha ang usa ka hinagiban.
Matod pa, sa duha ka pulis nga on duty sa Sindangan Integrated Bus Terminal (IBT) nga sila si PO1 Santander ug PO1 Jalosjos, ilang namatikdan ang usa ka tawo nga anaa duol sa Passenger’s waiting area, ang lango kini sa ilimnong makahubog hinungdan nga daw wala kini sa iyang kaugalingon niadtong higayona
Nakugang usab ang uban pang pasahero tungod kay nagpataka nalang kini ug istorya, dali kining giduol sa tinugyanan sa balaod aron tambagan. Apan wala kini naminaw ug nag yaw-yaw pa hinuon nga nagkanayon “AH BUANG MO, PATYA KO NINYO, KULATAHA KO”
Hinungdan nga naka desisyon ang maong mga pulis nga arestuhon nalang kini, didto sa gihimong pag rekisa ilang nakuha ang usa ka kutsilyo sulod sa iyang back pack nga bag.
Sa pagkakaron natanggong pa sa Sindangan MPS ang maong dinakpan samtang nagpaabot sa kasong ipasaka batok sa suspek.
