ICPO Director, nagapati nga kinahanglan ipa-iway ang kinamatarong sang pila para sa kaayuhan sang tanan angot sa pagpasirado sang Smallville complex pagpatak alas 2:00 sang kaagahon

268

Kinahanglan man nga ipa-iway kon kaisa ang kinamatarong sang pila para sa kaayuhan sang kadam-an.

Ini ang pahayag ni Iloilo City Police Office Director PSSUPT Henry Biñas angot sa proposal sang City Government nga dapat sirado na ang Smallville Complex pagpatak alas 2:00 sa kaagahon.

Suno kay Biñas, disbentaha ini para sa iban apang dapat pasulabihon ang kaayuhan sang tanan.

Dugang pa ni Biñas nga santo sa ila record , masami nga nagaluntad ang kinagamo ukon krimen saSmallville Complex kon kaagahon gani mahimo makontrol ang pagluntad sang krimen sa Smallville Complex kon magsirado ini alas 2:00 sa kaagahon.

Madumduman nga makapila na ka beses nga may nagluntad nga krimen sa Smallville complex kag ang pinaka-ulihi amo ang pagtiro patay kay Rey Myr Tan sang nagligad nga Domingo sang kaagahon.

(photo from web)

Facebook Comments