Lalaki nagpadagan sa negosyo nga lending, gipusil patay

26
Pagadian City – Patay nang nahidangat sa balay tambalanan ang usa ka negosyante human kining gipusil sa wala mailang responsable dihang dapita sa Purok Malipayon, Barangay San Francisco, Pagadian City sa nakalabay nga gabii May 11, 2022.
Giila ang biktima nga si Froilan Vernel Enomar, 44-anyos, nga nanag-iya sa gipadagan nga lending.
Sa inisyal nga imbestigasyon sa kapulisan nagbarug-barog lang sa iyang tindahan ang biktima samtang nagcheck sa mga dokumento sa iyang transaksyon dihang kalit nga nibutho sa lugar ang ang mga suspetsado nga nagsakay sa motorsiklo.
Dihang nahagba na ang biktima pas-pas nga nisibat ang mga suspek paingon sa Purok Limonsito sa Barangay Lumbia ning dakbayan.
Nadala pa unta ang biktima sa ospital pinaagi sa iyang pamilya og kapulisan nga niresponde sa lugar apan gibawian kini sa hinulaman nga kinabuhi.
Gisuta pa sa mga imbestigador sa Pagadian City PNP ang motibo sa insidente ug gilusad usab ang follow operation alang sa possible nga pag-ila ug pagdakop sa mga suspetsado.
Facebook Comments