COVID-19 booster shots sa kapin 700 sa employees nagpadayon

27
Davao City – Mokabat sa 727 ka mga empleyado sa Sangguniang Panglungsod sa Davao ang target sa Coronavirus Disease 2019 (COVID-19) booster shot.

Sumala ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), gisugdan ang booster vaccination sa SP employees kagahapon hangtud karong adlawa, Biyernes (Mayo 13, 2022).

Subling gipasabot ni Schlosser ang importansya sa booster shot ug kung unsa ka suportado ang City Government of Davao alang niini.

“Very supportive man karon atong former Mayor and now our VP (Vice President, Sara Duterte-Carpio) nga kanang importante gyud ang booster. Ang atoang target ana is around 700 ka mga individuals,” sulti ni Schlosser.

Samtang, gibutyag usab sa health official nga adunay ginahatag nga usa ka kilong bugas alang niadtong magpa-booster sa mga operational vaccination hubs sa syudad nga naga-cater og boosters diin kini libre apan available hangtud nga mahurot ang suplay.

RadyoMaN Kirby Manzon

Facebook Comments