Lalaki nagsuicide gamit ang wire sang kuryente nga ginhigot sa tangkal, patay

BACOLOD CITY – Ginalantaw nga rason ang depression kag personal nga problema sa paghikog sang isa ka lalaki pinaagi sa paghigot sang iya li-og sadtong Martes sang gab-i sa isa ka hacienda sa Brgy. Mansilingan, Bacolod City.

Ang biktima, isa ka 26 anyos nga lalaki, single, may ka live-in nga isa ka babayi kag naga suffer sang depression bangud man sang pila ka problema nga iya ginaangkon.

Suno sa live-in sang biktima nga halos duha ka adlaw nga naga inom sang beer ang lalaki kag sadtong Martes, March 19 may mga las 11 sang gab-i ini sila ang nag-away.


Pahayag sang babayi nga matapos ang ila away, naglakat ang lalaki sa wala mahibaluan nga direksyon kag nakibot na lamang ini sang iya nadiskubrehan kahapon may mga las 6:30 sang aga nga nagabitay kag wala na sang kabuhi ang biktima.

Nahibaluan nga ang gin-gamit sang biktima amo ang electrical wire nga iya ginhigot sa iya liog kag ginkabit sa tangkal sang baboy./DYHB NEWSROOM

Facebook Comments