Lalaki nakainom nadisgrasya, dead on arrival sa Hospital

Dipolog City – Patay ang lalaki nga nag-motor human kini nadisgraya sa dalan National, Barangay Sinaman ning Dakbayan sa Dipolog sa niagi’ng hapon.

Ang nakalas naila nga si Reyan Sumiwan Morada, 35 anyos, ulitawo, taga Barangay Sta. Isabel ning Dakbyan.

Migawas sa imbistigasyon nga gihimo ni PO1 Hermes Cortes ang Traffic investigator sa Dipolog PNP nga si Morada nagmaniho sa iyang single motor susuki smash kolor itom, nga nakainum ug vino kon diin niadtong higayuna paigon na unta pauli sa ilang panimalay.

Sa diha’ng pagabot sa dapit hitaboan, gumikan sa kakusog sa pagpadagan nashort matud pa sa kurbadahon bahin sa dalan hinongdan nadisgrasya.

Ang rescue 117 personnel maoy gadala sa Corazon C. Aquino hospital ni Morada apan gideklarar kini nga patay ni Doctor Jimson P. Undag tungod sa grabe’ng kadaut nga naangkon sa iyang ulo.

Sumala pa ni PO1 Cortes nga nitala ug 11 ka disgrasya sa kadalanan sa anti-bisperas sa pasko nga kasagaran nalambigit naka-inum ang motor rider ug wa naka-helmet.