Dumarao, Capiz – Patay ang 53-anyos nga persona matapos ginluthang sa Barangay Gibato, Dumarao, Capiz mga 7:00 ang takna kagab-i. Ginkilala ang biktima sa kay Onopre Pedrosa y Herras samtang ang ginatudlo nga suspek ginkilala kay Jelemar Rivera y Zabala, 42-anyos lunsay residente sang nasambit nga lugar.
Sa imbestigasyon sang mga kapulisan, naga-inom ang manghod sang biktima sa balay sang suspek, rasun nga nag-apas man ang magulang sa nasambit nga duog. May nagpatunga nga pagbinaisay sa tunga sang suspek kag biktima. Nagkuha sang wala mapahayag nga armas luthang si Rivera kag ginluthang si Pedrosa.
Nag-angkon sang igo sa nawala nga dulunggan ang biktima kag gilayon nga gindala sa Dao District Hospital, apang gindeklrar nga dead on arrival. Madasig naman nga nadakpan sang mga kapulisan ang suspek kag nakahunong na sa lock-up cell sang Dumarao Municipal Police Station.
*(photo from web)*
