Davao City – Wa na kaabot sa sugat sa bag-ong tuig ang usa ka lalaki human nakaplagan ang iyang patayng lawas sud sa CR sa usa ka shop sa may Bonifacio St.Brgy. 36-D syudad sa Davao.
Sa report gikan sa Sta Ana Pnp ang napalgan patay nailang Alexander Ecobiza, 54 anyos nagpuyo sa Salvador St. Buhangin ning syudad.
Sa imbestigasyon nga gilusad sa kapolisan sumala pa sa igsuon sa biktima nga si Elbert Ecobiza pasado alas 10:00 sa buntag sa dihang pag-abot niya sa iyang iyang nadiskobrehan nga wa nay kinabuhi ang iyang igsuon nga naglubog sulod sa maong C.R.
Gidugang pa ni Elbert nga kining iyang igsuon dunay gihambing nga balatian ug buwag sa asawa upat na katuig ang milabay.
Nasuta sa kapolisan nga walay struggle or commotion nga natigayon sa maong nahitabuan ug walay foul play ang maong insidente apan nakuhom ang kabanay nga ilang ipailawom og otopsiya ang patayng lawas aron masuta kun unsay hinungdan sa kamatayon niini.
Sa karon ang patayng lawas anaa sa St.Peter Funeral Homes Panacan ning syudad.
RadyoMan Don Pulayao
