General Santos- Padayon pa gihapon ang kapulisan sa San Isidro Police Station sa pag-ila sa lalaking nakaplagang patay sa may kamaisan nga bahin sa may Purok Udagre Barangay Conel ning syudad.
Nasayran nga mga alas 6 sa buntag kaganinang buntag, nakit-ang lalaking nagbuy-od sa kamaisan nga bahin nga wala na’y kinabuhi.
Anaa sa 5’6 ang gitas-on sa maong lalaki, naka-pula nga t-shirt, og naka pink nga checkered shorts.
Sa pagsuta sa Scene of the crime Operatives, ( SOCO) halos moabot sa 14 ka mga samad dinunggaban ang naangkon sa maong lalaki sa mga nagkadaiyang parti sa lawas sa biktima.
Gituuhang gilabay lang maong lalaki sa maong hilit nga bahin nga lugar sa Barangay Conel.
Facebook Comments
