Duha ka buno sa tyan, isa sa dughan, duha sa wala nga guya, duha sa sulod ka dulonggan kag isa ka buno sa siko ang naangkon sang lalaki nga gin kilala sa kay Albert Valencia, 30 anyos, kasado kag residente sang Barangay Manguna, Cabatuan, Iloilo matapos nag transaksyon sa mga sex workers sa Ledesma St., City Proper.
Natabo ang insidente takna ala 1:00 subong gid lamang nga kaagahon sa nasambit nga lugar.
Base naman sa blotter sang biktima nga nag padulong sila sa Paraiso Club upod ang duha nya ka abyan nga gin kilala sa kanday Michael alyas Dodoy kag Henry Tormon apang sang pagwa na sila, gin pulihan sila sang indi mag nubo sa 5 ka lalaki kabangdanan ila gin offer ang bag ni Albert nga may unod nga kwarta kag alahas kag nag hambal nga indi lang sya pagpatyon.
Apang nagpangusisa dugang ang kapulisan kag didto nahibalu-an nga didto sya nabun-an sa Ledesma kun sa diin didto sila nag transaksyon sa mga sex workers apang wala sila mag intindihanay kabangdanan nag palapit ang mga live in partner sang mga sex workers kag sila ang gin pulihan apang si Albert gid ang natam-an.
Ara na karun gina bulong sa ospital ang biktima samtang gina pangita pa sang kapulisan ang mga suspetsado.
