Davao City – Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa usa ka lalaki nga nadakpan atol sa buy-bust operation sa Purok Centro 2, Barangay JP Laurel, Panabo City, Davao del Norte niadtong Marso 14, 2023.
Ang operasyon gipangunahan sa Panabo City PNP, 2nd Davao Norte Provincial Mobile Force Company (DNPMFC) Personnel, Regional Police Drug Enforcement Unit (RPDEU) 11 ug Philippine Drug Enforcement Agency (PDEA) Davao del Norte.
Sa report sa Panabo City Police Station, giila niini ang suspek nga si alyas Joy, hamtong, residente sa Barangay Matina Aplaya, Davao City.
Nakuha sa posisyon sa suspek ang 70 gramos sa gituohang shabu nga mukantidad og P476,000.
Nagpasalamat usab ang kapulisan sa padayon nga suporta sa publiko ilabi na sa kampanya sa awtoridad batok sa iligal nga droga ug kriminalidad.
RadyoMaN Kirby Manzon
Facebook Comments
