Pagadian City – Kasong paglapas sa Akta Republika 10591 o illegal possession of firearms ang giatubang karon sa 46 anyos nga lalaki human kining nakuhaan og armas ug mga bala dihang gisita sa checkpoint nga gimontar sa kapulisan sa Purok Tugas, Balangasan ning syudad.
Nakuha sa posisyon ni Jerry Villanueva ang 38 revolver nga gisukipan sa upat ka mga buhing bala diin ang maong dinakpan residente sa Purok Masanagon, Brgy. San Pedro dakbayan sa Pagadian.
Sa imbestigasyon sa Pagadian City PNP nasayran nga sakay ang suspek sa motorsiklo Honda Wave 110 nga walay plaka numero kauban ang tulo niini ka mga kahigalaan gani misulay pa paglikay sa checkpoint ang mga nahisgutan apan gisita gihapon kini dihang klaro nga dunay gitakin nga armas ang suspetsado.
Nagtingkagol na sa Pagadian City PNP Detention Cell ang dinakpan.
Samtang boluntaryo musab nga gitahan sa 58 anyos nga lalaki ang iyang gipanag-iyahan nga ihalas nga armas niadtong sabado sa udto.
Nitunga sa buhatan sa kapulisan dala ang iyang 38 revolver si Carlito Salomoy agig pagsanong sa kampanya sa gobyerno ug pagsunod sa Comelec Gun Ban.
