Davao City – Naharang sa TF-Davao Sirawan checkpoint ang usa ka lalaki nga si Gerald Joy Pontilliano, 34-anyos, residente sa kanto Anahaw Brgy. Aplaya, Digos, Davao del Sur.
Base sa report bandang alas-8:00 sa gabii, adlaw’ng Huwebes (Disyembre 13), sakay sa usa ka de pasaheroang bus pasulod sa siyudad sa Davao ang suspek.
Atul sa hugot nga pagpatuman sa checkpoint nabantayan kining suspek nga dunay gilabay nga usa ka pakete sa sigarilyo.
Pagsuta sa sulod niini nakitaan og lima ka mga dagkung pakte ug lain pang duha ka mga gagmay’ng pakete nga dunay street value nga P280,000.
Sa karon balhog na sa prisohan sa Toril PNP ang dinakpan aron pasakahan og tukmang kaso.
RadyoMaN Paul Canono
Facebook Comments
