Roxas City, Capiz- Arestado ang tatlo ka mga persona sa Sitio Hermano Brgy Punta Tabuc alas 12: 39 sang kaaganhon sa ginkasa nga drug buy bust operation sang gintingob nga pwersa sang Roxas City PNP, Provincial Drug Enforcement Unit(PDEU) kag operatiba halin sa Regional Drug Enforcement Unit(RDEU) nga ginapamunoan ni Police Senior Supt Remus Zacharias CaƱiso.
Natigayon nga madakpan ang mga subject person nga sanday Lea Arroyo y Mendoza, 26-anyos; Jose Alba kag Grace Plaga, 41-anyos nga lunsay mga residente sang Sitio Hermano Punta Tabuc, Roxas City. Kabug-osan nga 17 tanan ka sachet sang suspected shabu ang narekober sang mga kapulisan sa amo nga mga persona lakip ang P1,200 pesos nga buy bust money. Magapangatubang ang amo nga mga persona sang kaso nga paglapas sa Republic Act 9165 ukon Comprehensive Dangerous Drugs Act of 2002.
