Lalaki nakuhaan ug armas sa checkpoint

106

Sindangan, ZDN-Ang kapulisan sa lungsod sa Sindangan, sa pagpanguna ni Police Major Domingo Suarez Murillo III uban sa taga RFMB9 901st personnel, nag montar kini ug checkpoint sa may Barangay Ramon Magsaysay, Sindangan, ZDN, Kagahapong adlawa sa may 4AM sa kadlawon.

Ang maong checkpoint miresulta kini sa pagkaharang ni Danilo Gantalao Olag, 31, residente kini sa Brgy. Mangilay, Siayan, ZDN, kinsa naka lapas sa Comelec Gun Ban.

Atol sa gihimong paghiling sa mga tinugyanan sa balaod ngadto kang Danilo, naka kuha sa iyang posisyon ang usa ka sling bag, usa ka Uzi .9mm, duha ka magazine nga kargado sa baling .22.

Sa pagkakaron tingkagol na ang maong lalaki sa prisohan samtang nag atubang sa kasong gipasaka kaniya.

Samtang bisan paman nahuman na ang piniliay sa NLE 2019, apan padayon gihapon ang hugot nga pagpatuman sa seguridad sa mga kapulisan ug kasundaluhan dinhi sa tibuok probinsya sa Zamboanga del norte, aron masiguro nga luwas ang katawhang Zanortehanon.

Facebook Comments