South Cotabato—Kasong kalapasan sa Omnibus Election Code o gun ban ug kalapasan sa Republic Act 10591 (Illegal Possession of Firearms and Ammunition) ang giatubang karon sa suspetsadong si Esmael Akad, 27 anyos, residenti sa Purok maharlika, Barangay Poblacion, Tantangan, South Cotabato.
Una nang nakadawat ug report ang Tantangan PNP nga matud pa adunay usa ka lalaking didudahang nagdala ug armas sa peryahan sa maong lugar mao nga girespondihan sa kapulisan.
Pagsita sa kapulisan nasutang aduna gyud diay kini dalang pusil nga iyang gibutang sa iyang sling bag.
Usa kini ka kalibre 45 nga pistola nga may lima ka buhing bala. Tungod niini gisikop ang suspek dayon gidala sa Tantangan municipal Police Station ug gibalhog sa silda.
Facebook Comments
