Gutalac- Nagpahuway karon sa balay tambalanan ang usa ka biktima human kini gidunggab sa duha ka suspetsado.
Nahitabo kini didto sa Sitio Gacsod, Map, sakop sa lungsod sa Gutalac ning atong probinsya sa Zamboanga del norte mga 8:00PM niadtong adlawng martes.
Naila ang biktima nga si Joel Teorima Sumacal, 34 anyos, ug usa ka mag-uuma, nagpuyo sa nahisgutan nga dapit.
Sa gihimong makuting imbistigasyon sa kapulisan, nasayran mga alas 7:30PM, ang biktima nagbaklay kini sa lugar nahitaboan ug niadtong higayona atua usab ang duha ka mga suspetsado.
Naila ang suspetsado nga sila si Ogie Ningas ug Odin Ningas ang duha residente sa brgy. Cocob, Gutalac.
Sa walay igong hinungdan gitabangan sa duha ka suspek ang biktima sa pag dunggab, human sa ilang gihimo dali nga milighot sa wala masayring direksyon.
Ang biktima naka angkon ug tulo ka samad dinunggaban sa iyang lawas hinungdan nga dali kining gidala sa pinakaduol nga balay tambalanan alang sa hinanaling medikasyon.
Ang motibo sa maong pag pangluba posibleng personal nga panagbangi.
