Zambo. Norte – Balhug karon sa prisohan ang usa ka 46 anyos nga lalaki human nadakpan sa gikasa nga entrapment operation sa kapolisan didto sa Brgy. Poblacion lungsod sa Tampilisan ning lalawigan sa zamboanga del norte.
Ang dinakpan naila nga si Agapito De Guzman Caballero, minyo, lumad nga taga Barangay Talinga sakop sa lungsod sa Sindangan.
Ang pagka-aresto sa suspetsado subay sa sumbong sa kanhing hiniguma niini nga usa ka 21 anyos nga dalaga estudyante lumad nga taga lungsod sa Gutalac ning lalawigan, apan kasamtangan nagpuyo sa lungsod sa Tampilisan, gumikan sa gihimong pagblakmil niini gamit ang social media.
Saysay pa sa biktima ngadto sa mga police investigator sa Tampilisan MPS, nga human sila nagbulag sa suspek, gi-post niini ang iyang hubo ug law-ay mga larawan ingon man video diha sa facebook.
Gidugang pa sa biktima nga kondisyon sa suspek aron deleton ang gi-post niini sa facebook, makigkita kaniya aron maglabing labing ibabaw sa kama kon deli gustong madugangan pa ang mga hubo nga hulagway na mapost sa social media.
Pasado 1:50 sa hapon didto na gikasa ang entrapment operation sa kapolisan sa national highway kon diin human maka-angkas sa single motor xrm ang biktima nga gimaneho supek sa deretso kining giaresto sa mga polis ug nabawi sa posisyon ang usa ka unit sa sumsung cellular phone nga tua sa gallery ang mga hulagway ug vedio sa biktima.
Gihikay na sa mga imbistigador ang ipasaka nga kaso agig pagsupak sa RA 9995 The Anti-Photo and Video Voyeurism Act of 2009 batok sa dinakpan.
