General Santos City – Samdan ang usa ka lalaki nga giilang si Leopoldo Ortiz, 31 anyos lumulupyo sa Purok 10, Mabuhay, dakbayan sa General Santos human kining gidunggab sa wala pa mailhing suspetsado.
Matud pa, nahitabo ang maung krimen alas 9:30 ang takna sa kagab-ihun duol sa Slaughter house nga nahimutang sa Purok Intake, Barangay Mabuhay, General Santos City.
Matud pa sa imbestigasyon giimbitahan ang biktima sa iyahang mga kauban sa trabaho nga mag-inum ngadto sa balay sa iyahang katrabaho.
Samtang nagpadayon ang ilang inum nangihi kining si Ortiz gawas sa panimalay sa iyang katrabaho ug kalit lang kini gidunggab hinungdan nga kini gidala sa ospital kuyog sa iyang mga amigo. Nakaangkon ang biktima ug dinunggaban sa iyahang likod.
Sa pagkakaron nagpaalim na lang ang biktima sa iyang samad samtang ginaila pa sa kapulisan ang suspek ug ginasuta pa ang motibo sa krimen. (Pj Sabalosa)
