Glan Sarangani Province- Patay ang usa ka lalaki human nga matud pa napulisan sa pulis nga naka base sa Glan PNP.
Giila ang nasampit nga lalaki nga usa ka Deddy Octadora,hamtong ang panuigon, og lumulopyo sa may San Roque Labangan, GSC.
Sumala pa kang Police Chief Inspector Neil Wadingan, ang tigpamaba sa Sarangani Police Provincial Office ( SPPO) sa interbyu sa rmn gensan nga unang nadakpan si Octadora og ang kaubanan niining si Neil Boy Awon sa may Laguimit Glan Sarangani Province, kagahapon sa mga nagpakabanang opisyal sa Barangay tungod sa mga pagpamaligya og mga chop-chop nga mga parti sa motorsiklo sa maong lugar.
Apan sa pagdala na kanila sa Glan Municipal Police Station, og atol sa integorasyon ni Police Chief Inspector Manuel Ryan Lim, ang Chief of Police sa may Glan Municipal Police Station nga kalit lang nga nangilog og armas ang nahisgutan hinungdan nga napusilan kini sa nasampit nga opisyal.
Igo sa ulo nga bahin ang nahisgutan og daling gidala sa balay tambalanan sa Gensan apan nakabsan gihapon kini sa iyahang kinabuhi alas 11 ang takna sa buntag kaganina.
