Davao City – Patay nang nakaabot sa Southern Philippines Medical Center ang
usa ka lalake kinsa naningil og utang sa may Brgy. 1-A Bankerohan alas 7:45
kagabii.
Samad dinunggaban sa abaga ang mitapos kang alyas Pompong, 35 anyos,
nagpuyo sa Brgy. 5-A Bankerohan human gideklara nga Dead on Arrival sa
doktor sa Southern Philippines Medical Center (SPMC) nga mihiling kaniya
kagabii.
Suma sa kauban ni Pompong nga sa wala pa matigayon ang krimen nakig-inum pa
ang biktima uban sa iyang mga higala ug pagkahuman sa paglingaw-lingaw
milahos og paningil sa naka-utang kaniya.
Dali gitabang ang biktima pinaagi sa paghatud kaniya sa spmc apan di malas
kay sa dalan pa lang daan nabugtuan na kini og kinabuhi tungod sa samad
dinunggaban nga iyang nahiagoman.
RadyoMaN Joel Viray
