Napatay ang usa ka lalaki , human niuna kini ug pagpamusil ngadto sa pulis nga nirespondi sa alarma sa pagpangulata sa Zone 4, Barangay Candulawan sa dakbayan sa Talaisay .
Nahitabo ang insidente atol sa piyesta sa barangay .
Si PO1 Jake Bacalso nga nadestino sa Cebu City Police Office , off-duty niadtong higayona apan nitubag kini ug alarma sa pagpangulata sa pito ka tawo ngadto sa usa ka lalaki nga ginganlan ug Dindo Superal .
Ang naabtan ni Bacalso sa lugar mao ang usa sa nangulata nga si Nonito Pantonial ug unang nanukmag ngadto sa pulis.
Pagkahuman namusil pa kini ngadto kang Bacalso apan wa maigo ang pulis kay dali kining nakatago .
Gibawsan ni Bacalso pagpusil si Pantonial nga naigo sa tiyan ug aping niini .
Patay na kini pag-abot sa tambalanan.
