Davao City – Miresulta sa trahedyang insidente ang argumento sa duha ka managsuon nahitabo alas-5:00 adlaw’ng Martes sa hapon nahitabo sa Sitio Sagal, Brgy. Macol, Malita, Davao Occidental.
Patay sa diha-diha si Joven Mariano, 29 anyos, minyo, mag-uuma, samtang suspetsado mao ang igsuon niini nga si Jovic Mariano, 18 anyos, ulitawo, pulos residente sa maong lugar.
Sa inisyal nga imbestigasyon sa Malita Municipal Police Station migula nga una pa man nahitabo ang insidente miulbo ang mainitong tinubagay nga miresulta sa shooting insidente.
Naigo sa likod nga bahin sa liog ang biktima nga miresulta sa iyang hinanaling kamatayon diin ang patay’ng lawas gipahiluna na sa ilang panimalay.
Human sa insidente giturn over ni Brgy. Councilor Joel Mariano sa Malita MPS ang suspetsado lakip ang .45 kalibre sa pusil nga gigamit sa maong insidente diin asa usab siya nakakustodiya alang sa tukmang disposition.
Nagtoo karon ang awtoridad nga wala pagkasinabtanay ang motibo sa maong insidente.
RadyoMaN Jason Amisola
