Maayon, Capiz- Wala na sang kabuhi sang nakit-an sang mga residente sa Sitio Tipacla Brgy. Poblacion, Maayon, Capiz ang isa ka persona samtang ini ang nagahamyangon malapit sa waiting shed.
Ginkilala ang biktima kay Antonio Comoro y De Juan, 62-anyos kag tumandok man sang nasambit nga lugar. Narekober sa kilid sang iya bangkay ang isa ka botelya sang makahulubog nga ilimnon.
Suno sa imbestigasyon, ulihi nga nakit-an ang biktima sang Setyembre 18 kun sa diin ini pa ang nagpadulong sa namatyan sang ila pamilya sa Brgy. Quinat-oyan, Maayon. Ginapatihan nga posible nalipasan sang gutom ang amo nga persona bangud sa pag-inom sang makahulubog nga ilimnon.
Facebook Comments
