Malampusong nadakpan sa mga kapulisan ang usa ka lalaki nga wanted sa kasong child abuse atol sa operasyong gipahigayon pasado alas 12:20 sa udto kagahapon didto sa Sitio New Visayas, Purok-13, Barangay Lurogan, Valencia City, Bukidnon.
Giila ang suspek nga si Anecito Coca, ulitawo, ug residente sa naasoy nga lugar.
Gipangunahan sa mga personahe sa Valencia City Police Station inubanan sa ubang mga operatiba ang maong operasyon sa pagserve sa warrant of arrest ngadto sa suspek sa paglapas sa RA 7610 kon Child Abuse Law nakadokit ilawom sa criminal case no: 39400-22, nga gi-issue ni Eldred D. Cole, Presiding Judge, sa Regional Trial Court, 10th Judicial Region, Branch 45, Malaybalay City, Bukidnon pinitsahan Agosto 23, 2022 nga adunay piyansang-girekomenda nga mukabat sa P80,000.00.
Gikustodiya na karon sa Valencia City Police Station ang suspetsado alang sa tokmang disposasyon.
Facebook Comments
