Nadakpan sa gipahigayong operasyon sa mga kapulisan ang gikonsiderang Top 10 Most Wanted Person sa dakbayan sa Malaybalay sa kasong Murder takna alas 5 sa hapon adtong milabayng Biyernes didto sa Purok-3, Barangay Dalwangan, Malaybalay City, Bukidnon.
Gipangunahan sa mga personahe sa 1004th Regional Mobile Force Brigade (RMFB)-10 inubanan sa Malaybalay City Police Stataion ang maong operasyon nga miresulta sa pagkasikop ni Jovy Bartolo, 44 anyos, minyo, ug residente sa Purok-2, Barangay San Jose, Malaybalay City, Bukidnon.
Si Bartolo ang gipasakaan og Warrant of Arrest sa kasong Murder nga gi-issue ni Hon. Wilfredo G. Bibera Jr., Presiding Judge sa Regional Trial Court (RTC), 10th Judicial Region, Branch 46, Malaybalay City pinitsahan Agosto 3, 2021 nga walay girekomendang piyansa alang sa temporaryong kagawasan.
Gibalhog na sa Malaybalay City Police Station ang suspetsado alang sa tokmang disposasyon.
Facebook Comments
