Gibalhog na sa bilangguan ang usa ka lalaking suspetsado sa kasong pagpangawat nga nasikop atol sa operasyong gipahigayon sa mga kapulisan takna alas 8:36 sa gabie adtong Sabado didto sa Purok-6, Barangay Kasigkot, Don Carlos, Bukidnon.
Giila ang suspetsadong nasikop nga si Anthony Rajal, 23 anyos, ulitawo, ug residente sa Purok-4, Sitio Malapgap, Barangay Sinanglanan, Malaybalay City, Bukidnon ang kinsa gipasakaan og Warrant of Arrest sa kasong Pagpangawat nga naka-dokit sa Criminal Case No. 34854-19 nga gi-issue ni Hon. Elfred D. Cole, Acting Presiding Judge, Regional Trial Court, 10th Judicial Region, Branch 10, Malaybalay City, Bukidnon pinitsahan Nobyembre 23, 2021.
Anaa na sa kustudiya sa Malaybalay City Police Station ang suspetsado alang sa tokmang disposasyon.
Facebook Comments
