Gibalhog na sa bilangguan ang lalaking suspetsado sa pagpayuhot sa illegal nga droga ang kinsa nasikop atol sa operasyong gipahigayon sa mga kapulisan adtong milabayng Sabado didto sa Brgy. 2, Malaybalay City, Bukidnon.
Giila ang suspetsado nga si Ronel Macalam, 31 anyos, ulitawo ug mulopyo sa Purok 4b, Brgy. Aglayan, Malaybalay City, Bukidnon ang kinsa anaay gipasakang warrant of arrest sa paglapas sa RA 9165 kon Comprehensive Dangerous Drugs Act Of 2002 nga gi issue ni Hon. Isobel G. Barroso, Presiding Judge sa Regional Trial Court, 10th Judicial Region, Branch 8, Malaybalay City, Bukidnon pinitsahan March 4, 2021 nga walay girekomendang piyansa alang sa temporaryong kagawasan.
Gidala na sa Malaybalay City Police Station ang suspetsado alang sa tokmang disposasyon.
