*Detinado karon sa Camiguin Police Station ang 42 anyos nga si Sandro Zambas nga taga-Barangay Compol, Catarman, Camiguin, human kini nasikop sa pagsilbi sa waarant of arrest batok kaniya kaganinang buntag.*
*Kini pinaagi ni Police Senior Insp. Arvin Lacambra, ang acting chief of police sa maong buhatan, kauban nilang SPO1 Rico Amarillento, SPO1 Randolph Bana, PO3 Gordiel Encarnado, PO3 Rolly Datuon, PO2 Reynald Calam, PO1 Norben Tabamo ug PO1 Mike Tagod.*
*Nasikop ang suspek sa Lumad, Mambajao, Camiguin gumikan sa kasong Child Sexual Abuse, kung asa ang warrant giisyu ni Hon. Nannette Michote-Lao, ang Executive Judge sa RTC, 10th Judicial Region, Branch 28 sa Mambajao, Camiguin.*
*Gibutyag ni Senior Insp. Lacambra nga makagawas lamang ang suspek alang sa iyang temporaryong kagawasan, kung makapyansa kini og 200 tawsan pesos. *
*Sa karon ang suspek detinado na sa maong buhatan alang sa dugang inbestigasyon, documentation ug proper disposition.*
*By; Radyoman Aiza Enloran adn Ellah Baculio *
