Pagadian City – Taliwala sa implementasyon sa gun ban sa syudad sa Pagadian isip kabahin sa pagsulod sa election period labot na sa nagkaduol nga Barangay ug SK Elections , naka -score gihapon ang riding in tandem kagabii.
Patay ang 23 anyos nga ulitawo human gipusil sa wala maila nga responsable nga sakay sa motorsiklo.
Giila ang biktima nga si Ramil Looc Tagalog, residente sa purok Tisa, Brgy. Balintawak, Pagadian City.
Sa inisyal nga imbestigayon sa kapulisan nasayran nga sa wala pa nahitabo ang pagpamusil diha ang biktima sa boulevard nga nahimutang sa barangay Santiago ning dakbayan, kauban sila si Rodelyn Padogdog ( Pag-umangkon sa Biktima) , Fredilino Solis( Hinigugma ni Rodelyn) ug lain pang alyas Leny.
Alas 10:00 kagabii nakahukom ang grupo nga mouli sa ilang tagsa-tagsa ka pinuy-anan sakay sa tricycle ug single motor samtang si alyas leny mikanaog sa barangay balangasan rason nga ang biktima nalamang ang nag-inusara nga nagmaneho sa iyang motorsiklo.
Dihang nahidangat sa purok Upo, Brgy. Balintawak ning dakpayan, kalit nga nibutho ang mga suspetsado nga sakay sa laing single motor og sa walay langan gipusil sa ulo ang biktima gamit ang calibre 45 nga pistol nga maoy hinungdan sa hinanali nga kamatayon.
Gisuta pa sa kapulisan motibo sa maong pagpamusil.
