General Santos City—Kritikal ang kahimtang sa usa ka Roberto Rola, 36 anyos nga taga Upper Puting Bato, Barangay Calumpang human kining gipusil sa wala pa mailhing suspek alas 12:10 ang takna sa tungang gabie.
Subay sa impormasyong nahagpat sa RMN Gensan News Team nasuta nga gikan sa lamay ang biktima, pag-abot duol sa Holy Cross Parish sa barangay Calumpang, siya gitaparan sa mga suspek nga nakamotorsiklo dayon gipusil igo sa iyang dughan ug likod nga bahin.
Paspas nga misibat ang mga suspek samtang ang biktima, gidala sa ospital ug kasamtangan na karon nga giatiman sa mga doctor.
Sa karon nagpadayon ang imbistigasyon sa kapulisan kalabutan sa insidenti.
Facebook Comments
