Snatcher ug usa ka minor de edad dakpan human nanglabni ug cellphone sa duha ka estudyante

13
Handcuffs

General Santos City—Tingkagol na karon sa silda sa Police Station 2 ang usa ka gikaingong snatcher nga giilang si Wellie Lorenzo, lumad nga taga Cotabato City ug temporaryong nanimuyo dinhi sa dakbayan sa Gensan, samtang gikustudiya usab sa kapulisan ang usa ka minor de edad nga kaubanan niining nanglabni ug Cellphone sa duha ka mga minor de edad nga estudyante.


Sa blotter report sa Police Station 2, nagbaktas matud pa ang duha ka minor de edad atubangan sa New Society elementary School dihang gitaparan sa duha ka mga suspek dayon gilabni ang ilang cellphone.

Nakapangayo ug tabang gilayon ang mga biktima mao nga giharang sa mga bystander sa lugar dayon gisikop.

Gilayon nga mitawag ug police ang mga bystander ug giturn-over ang duruha ngadto kanila. Samtang dihang gikapkapan ang mga nasampit, nakuhaan ug usaka sachet sa gituohang shabu nag suspek nga si Lorenzo samtang ang minor de edad nakuhaan ug marijuana sa iyang bulsa.

Sa karon giandam na ang kaso batok kang Lorenzo samtang ang minor de edad takdang iturnover sa CSWDO.

Facebook Comments