Masami nga kun disgusto ang isa ka empliyado sa pagpahalin s aiya sa serbisyo nagafile sya sang kaso sa labor ukon nagaprotesta.
Pero didto sa malaysia tuhay ang protesta nga ginhimo sang isa ka lalaki nga ginpahalin sang kumpaniya nga Chevron Malaysia Limited nga amo ang anay Caltex.
17 ka tuig nga nagtrabaho bilang petrol operator sa kumpaniya si fadzilah abdul hamid kag nagtrabaho sya sa duha ka mga planta antes nakabaton sang notice nga maghalin sa iya pwesto.
Ginhatagan lamang sya sang 30 ka adlaw agud maghalin bangud sang mga wala nabayaran nga charges sa implementatio nsang self service sa petrol stations.
Nagpalambot sang iya bahin si hamid sa mga talatapan sang kumpaniya apang wala ini ginpamati-an.
Nobyembre 21 subong nga tuig nagbisita si hamid sa caltex headquarters sa kuala lumpur agud makigkita sa mga opisyal sang kumpaniya apang wala sya ginsapak.
Didto na kag gin-glue ni hamid ang iya palad sa salog sang building.
Nangin viral sa social media ang picture ni hamid nga ginapakaon sang iya asawa samtang nagapilit ang palad sa salog sang building.
