Lalaki nga kanhi nang nasikop gumikan sa illegal nga droga, dakpan sa PDEA

Sikop sa buy bust operation sa Philippine Drug Enforcement Agency Iligan City -Lanao del Norte alas 4:05 ang takna karong  hapon sa may IBJT Northbound Terminal ang usa ka lalaki gumikan sa pagpayuhot sa illegal nga droga.

Suspetsado nailang si Nico Baccara, hingkod ang pangidaron, nga taga Barangay Saray ning dakbayan sa Iligan kinsa kanhi nang nasikop sa gumikan sa illegal nga droga.

Napalitan kini sa duha ka sako sa gituohang shabu nga nagkantidad ug dos mil ka pesos. 


Samtang sikop usab ang kuyog niini nga usa ka inahan nga nailang si Mcmillan Bacarra, nga taga Barangay Hinaplanon,  kun asa gikuyog pa ug duha ka mga menor de edad nga mga anak niini. Nakuha kaniya ang walo ka sakong shabu, ug 48 mil ka pesos nga bodol money.

Sumala ni Agent Neil C.  Pabilona, ang assistant Provincial officer sa   Lanao del Norte-Iligan City Provincial  Office , nga duha ka bulan nang gimonitor sa PDEA ang maong suspek ug karong adlawa nahulog kini sa ilang mga kamot.

Dugang pa ni Pabilona, nga si Nico Bacarra ang nadakpan na kaniadto, apan nakagawas kini gumikan sa plea bargaining, apan mibalik kini sa kanhi niyang binuhatan.

Ang mga dinakpan gidala karon sa rehiyonal nga buhatan sa PDEA sa Cagayan de Oro, samtang ang duha ka mga menor de edad ang giturn over sa CSWD.

Ang mga nakuhang shabu ipailalum sa laboratory examination sa buhatan sa PDEA.

Kasong paglapas sa RA 9165 o Comprehensive Dangerous Drugs Act of 2002 ang atubangon sa mga suspetsado.

Facebook Comments