Nagtuga sang iskandalo ang lalaki sa isa ka Japanese restaurant sa SM City Iloilo kagab-i. Ang lalaki nga may deperensya sa paminsaron (Bipolar), nagpuhag sa mga customers pasado alas 7 kagab-i matapos gintayaan sini sang tinidor kag ginpahog nga patyon ang duha ka nagakaon sa kalan-an.
Nagpa-blotter sa Mandurriao PNP ang duha ka customer kasunod sang nasambit nga insidente.
Base sa blotter report, nagakaon sang panyapon ang duha ka tagreklamo sang magpalapit sa ila ang suspek kag naghambal sang kon ano-ano.
Kag sa wala sang anuman nga rason, nagkuha ini sang tinitdor kag gintayaan ang duha kag ginhambalan nga pamatyon niya ang mga ini.
Sa kahadluk, nagpalagyo ang iban nga mga kustomner samtang kinulbaan naman ang duha.
Matapos sini, nagpa-blotter sa Mandurriao PNP ang duha ka tagreklamo nga kustomer samtang yara sa kustodiya sang kapulisan ang suspek kag ginatun-an kon pasakaan ini sang kaso.
#tatakRMN
