Usa na liwat nga pagpamusil o shooting incident an nahinabo ha Brgy. Manguinoo, Tinambacan District ha Calbayog City, Samar.
Sumala ha Calbayog City Police Station diri pa makilala an biktima, naka sul-ot hin checkered nga blue, white t-shirt, blue sport short pants, nag eedad ngada 40 tubtob 50 anyos ngan gin aaligar residente ha Brgy. Osmena Lope De Vega, Northern Samar.
Subay hiton imbistigasyon, naghuhulat la daw an biktima ha Manguinoo Seaport ngan tigda nga ginpusil an biktima han diri pa makilal-an nga suspek gamit an 9MM pistol. Naangkon han bikitma an pira nga igo hin bala hin pusil ha pipira nga parte han iya lawas.
Nasabtan han mga otoridad nga mayada problema ha panhuna huna an bikitma. Gin aaligar nagpipinangawat daw ini hin mga igburulang nga manok ha nasabi nga barangay. Tulo nga bala an narecover han soco tikang ha lawas han biktima.
Naghuhulat ha pagka yana an mga otoridad kun hin-o an nakakakilala o di ngani pamilya ha napatay ha Calbayog.
