Patay ang isa ka lalaki matapos madisgrasya ang ginasakyan sini nga motorsiklo sa banwa sang Tigbauan pasado alas 8 subong nga gab-i (Pebrero 18)
Ginkilala ang biktima nga si Allen Agligfar, legal ang pang-edaron kag pumuluyo sang barangay Atabayan, Tigbauan, Iloilo.
Sa imbestigasyon sang Tigbauan PNP, ginpahayag nga natabu ang aksidente mga alas 8:50 sini nga gab-i samtang nagabiyahe sa motorsiklo ang biktima papuli sa ila balay halin sa barangay Bayuco, Tigbauan sa balay sang iya ginikanan.
Subong man, pag-abot sa dulhugon nga bahin sang barangay Bolocaue, natumba ang iya motorsiklo kag nakaangkon ini sang patal nga pilas sa ulo.
Gilayon nga gindala sa Guimbal District Hospital ang biktima apang gindeklarar ini nga dead on arrival.
Facebook Comments
