Ginpapreso ni alyas Inday si Jury Sadiong, 28 anyos sang Brgy. Cubay, Jaro matapos ginpakita ang kinatawo kag mag-masturbate sa atubang sang isa ka babaye.
Suno kay SPO2 Rex Tabuada sang Mandurriao PNP, ginsaysay sang tagreklamo nga si Inday, 25 anyos, residente sang Blk 20, Brgy. 22, Mandurriao, Iloilo City nga nagalakat siya sa dalan sa nasambit nga lugar ala 1:00 kahapon sang hapon, Oktubre 26 sang ginsitsitan ni Jury.
Suno kay Inday nga sang nag-atubang siya, ginpakitaan siya ni Jury sang iya kinatawo kag nag-masturbate.
Bangud sang natabo , ginpadakop niya sa Barangay tanod si Jury kag ginpapreso sa Mandurriao Police Station.
Ginpahayag ni Tabuada nga madamo na sang nagreklamo batok kay Jury bangud sang kasubong man nga aktwasyon.
(photo from web)
