Bacolod City – Gintiro sang makapito ka beses si Jose Jimmy Aliansa, 47, sang Barangay 3 Bacolod City kaina sang kaagahon, las 3 sa Purok Sigay, Barangay 2.
Gin-ako sang asawa sa interview sang dyHB nga ang iya bana ang una nagsungka sa Police Station 2 bangod nagagamit ini sang druga.
Kaina sang kaagahon, naglisensya ini nga magpadulong sa Purok Sigay, Barangay 2. Sang ara na sa lugar, hinali lang nga gindulugan ini sang isa ka tawo nga nakamask kag nakabonet kag ginluthang sang makapito ka beses nga gintunaan naman sang iya gilayon nga kamatayon.
Gindala pa sa ospital si Aliansa apang wala na natabangan sang mga attending physician.
Si Aliansa ang wala man sang trabaho kag may apat ka mga kabataan nga mga babaye.
Ang Barangay 2 ang isa sa mga ginahukmungan sang mga durugista sa Bacolod City.
